• ×
الخميس 18 أبريل 2019 | 02-08-2019
×

m5t9

البارحـه قلبـي تزايـد اخفوقـه

البارحـه قلبـي تزايـد اخفوقـه
والليل قزرته هواجيـس واخفـوق

والنوم جفني مـا تطعـم ابذوقـه
مغيـر غطاتـن تقاطيـع وافـوق

لين النهار اصبح وبانت اشروقـه
والدمع من عيني على الخد مدفوق

بسباب من نفسه لنفسي صدوقـه
الجادل اللي كامل الزيـن والـذوق

اللي مشى وافي وكمـل احقوقـه
ما يلحقه مني مشاريـه وحقـوق

اللي على شوفه اعيونـي شفوقـه
ما لاقلي غيره من البيض غرنوق

اللي غرامي سارين في اعروقـه
وحبه بدمي خالـط الـدم بعـروق

سافر وانا نفسي عليـه امحروقـه
واهو بعد مثلي من الشوق محروق

وسافر معه عقلي وفكري وذوقـه
آكل وكني لأطيب الـزاد مـا ذوق

اتل العهد والغيـم حـدره وفوقـه
اقفت به اللي تسبق الطير بلحـوق

وعودت نفسي من عناي امخنوقه
من عبرتي ومفارق الشوق مخنوق

قلبي كتومن ميـر عينـي تعوقـه
عيني عن الكتمان يا ناس لي عوق

العاشق المجبـور عينـه نطوقـه
لو كان ما يبدي على الناس منطوق

غصبن على المشتاق بفراق شوقه
تكشف اعيونه ما بقلبه من الشوق

لولا ظروفي راهين فـي إلحوقـه
ماني على خوة هوى البال مسبوق

لاشـك قسمـة خالقـن بمخلوقـه
الحي لابده مـن الحـي مفـروق

سافر عسى ربي يسمـح وفوقـه
ويالله عساه بنية الخيـر مرفـوق

بواسطة : m5t9
 0  0  31

الأعضاء

الأعضاء:1

الأعضاء الفعالون: 1

انضم حديثًا: m5t9

المتواجدون الآن: 6

أكثر تواجد للأعضاء كان 59 ، يوم 07-27-2018 الساعة 11:54 صباحاً

( 0 عضو 6 زائر )

جميع الأوقات بتوقيت جرينتش +3 ساعات. الوقت الآن هو 04:15 مساءً الخميس 18 أبريل 2019.
Powered by Dimofinf CMS v5.0.0
Copyright© Dimensions Of Information.

جميع الحقوق محفوظه لموقع مختص كوم