• ×
الأحد 26 مايو 2019 | 02-08-2019
×

m5t9

الألفية

غاب القمـر والصبـح بانـت شروقـه
والعيـن حلـو النـوم عيـت تـذوقـه
وبديـت قــافٍ وافـيـاتٍ طـروقـه
ألفيـةٍ والمبـتـدى عـالـي الـشـان
(( الالـف )) ألفـت المثايـل وبـديـت
ذكر الله اللي محصـي الحـي والميـت
المعتـلـي عــلام مـاكـان كنـيـت
في ضامري وادعانـي اليـوم عمسـان
(( البـا )) بثنـي للنبـي والصحـابـه
حــقٍ عليـنـا ذكـرهـم ينثـنـابـه
ولامقصـدي مـن مابدعتـه طـرابـه
يعلـم بـي اللـي عالـمٍ كـل ماكـان
(( التا )) ترى مايبـدع القـاف مرتـاح
ولايضحـك المفجـوع حلـو التمـزاح
ولو يبدعـه كنـه طعـامٍ بـلا امـلاح
ماله طعم يثـر علـى الحـال نقصـان
(( الثا )) ثمان اسنين والقلـب مفجـوع
لاطايـعٍ غيـري ولانـيـب مطـيـوع
اسهـر الا ان الفجـر بـان بطـلـوع
متكـدر جفنـي عـن النـوم سهـران
(( الجيم )) جار الوقت والوقت مذمـوم
ولاصفالـي بالهنـا مـن لــو يــوم
جار الزمـان وبـدل القـوم فـي قـوم
ولايذكـر إلا اللـي مـن المـال مليـان
(( الحا )) حرار القوم ضاعت مع الناس
الوقـت عـاداهـم وداس الــذي داس
وطاوع كثير المال لو هو من الانجـاس
وعصا بعض يانـاس ذربيـن الايمـان
(( الخا )) خوي الطيـب ماظـن تلقـاه
اللي ليـا حـدك عنـا الوقـت تنصـاه
اقفا زمـان الطيـب ويـن انـت ويـاه
فقيـر ماعنـدك رصـيـدٍ وعـمـران
(( الدا )) دوابي من عنا الوقت دالـوب
كن الغضا في ماسـط القلـب مشبـوب
عفت الطعام وعفت انـا كـل مشـروب
من ذا الزمـان اللـي جزانـي بنكـران
(( الذا )) ذهب هالوقت ماهوب صافـي
نـاسٍ يغـرونـك بـزيـن اللصـافـي
وإليـا بحثتـه بـان مـاكـان خـافـي
حديد مالـه مـع هـل الجـود ميـزان
(( الرا )) رفيع النفس بالديـن محمـود
لو هـو فقيـر يـدرك الجـود ويجـود
ولو تطلبـه شـي ولا هـوب موجـود
فـي منزلـه يوقـف مواقيـف ديقـان
(( الزا )) زرعت الطيـب والله شاهـد
وبالعون ماقصـرت فـي حـق واحـد
انـا احسـب الـزرع يثمـر لحـاصـد
واثريه صبخا مـن زرع فيـه خسـران
(( السين )) سل عن صاحبك قبل الاسفار
قبـل تغـرب مـن مرابـعـك لـديـار
كانـه عنيـد ودايـم الـدوم عـسـار
خلـه تـرى مايبصـر النـور عميـان
(( الشين )) شاب الراس والسـن تـوه
مـن ذا الزمـان اللـي فلابـه مـروه
يـاالله راع الطـيـب يــاالله قــوه
علـى زمـانٍ شيـب اليـوم شـبـان
(( الصاد )) صابر والصبر درب الافراج
وارجي الـذي منـه المخاليـق ترتـاج
انـه يفرجلـي مـع الضيـق مخـراج
واجازي الطيب علـى الطيـب بإحسـان
(( الضاد )) ضحك الوقت لا تنخدع بـه
لـو هـو حـلا نومـك وزادك وشربـه
الله مـن تاجـر زمانـك غــدر بــه
خـلاه عقـب المـال مايملـك غـران
(( الطا )) طبيب النفـس غايـة مناهـا
ولا تسمع اللـي عـن طريقـه نهاهـا
كـم نفـس ماتـت ماوصلـت مبتغاهـا
انشـد وتلقـا اللـي نظمنـاه وكــدان
(( الظا )) ظهر خافي ضميري وسجلـت
قافي وانا مبطـي عـن القـاف ماقلـت
ولانيـب خايـف بالتماثيـل مـا علـت
والحـق يظهرلـه شهـود وبـرهـان
(( العين )) عن هرج القفا دوم حـذراك
تـراك ماتكسـب ورى شيلـه امــلاك
كم من هـروجٍ قطـه الهـرج بشـراك
واسبابهـا مـن قولـة فـلان وفـلان
(( الغا )) غنـي النفـس ياطيـب فالـه
يقـالِ لٍـه نعمـيـن يـاجـا مجـالـه
وإلا ردي النـفـس راعــي نـذالـه
لانافـع نفسـه ولا هــوب ربـحـان
(( الفا )) فعول الطيـب ترفـع جلالـك
ياصـرت طيـب كـل شخـص يعنالـك
ولو مت في وسـط المجالـس عيالـك
لوهـم صغـارٍ مايشوفـون حـقـران
(( القاف )) قلّـت حيلتـي واجتهـادي
في ذا الزمان اللي بـه الطيـب غـادي
عنـدك خبـر ماكـل عـلـمٍ وكــادي
بالنـاس صدقـانٍ وبالـنـاس كـذبـان
(( الكاف )) كم من طاح بالحبس مظلوم
وهـو سليـم الجـوف لاشـك متهـوم
ماقدر المولـى علـى النفـس مقسـوم
ولا لـك علـى ماقـدر الله عصـيـان
(( اللام )) لاتبدي على النـاس خافيـك
ماكـل مـن يضحـك بوجهـك يدانيـك
كم من صديقٍ تحسـب انـه مصافيـك
وهـو خسيـسٍ بالمواجيـب خــوان
(( الميم )) مالك عـن نصيبـك مفـرّا
ان كنـت فـي جـوِّ وبـحـرٍ وبــرّا
ماقـدر المـولـى علـيـك استـقـرّا
اللي خلـق مـن طينـة القـاع انسـان
(( النون )) نوح الطيـر لاتحسـب انـه
غنا طـرب يـا القـرم مـن زود فنـه
يمكـن معاسـيـر الليـالـي وطـنـه
ماكـل طيـرٍ يزعـج الصـوت طربـان
(( الها )) هنـي اللـي تمسـك بدينـه
قبـل العمـر بالغـي تقضـي سنيـنـه
نفسـه لصومـه ولصـلاتـه فطيـنـه
هذاك لـه فـي جنـة الخلـد مسكـان
(( الـواو )) ودي ميـر ماهـو بكيفـي
ان العـرب تمشـي بقـلـبٍ نظيـفـي
غنيهـم يلـطـف بـحـال الضعيـفـي
حتى اتساوى الناس فـي كـل الاوطـان
(( اليـا )) ياعـل الله يقبـل دعـاتـي
حيثـه علـيـم بسيـتـي وحسنـاتـي
والخاتمـه صلـوا كثـيـر الصـلاتـي
علـى نبـيٍ خـاتـمٍ كــل الاديــان

بواسطة : m5t9
 0  0  118

الأعضاء

الأعضاء:1

الأعضاء الفعالون: 1

انضم حديثًا: m5t9

المتواجدون الآن: 9

أكثر تواجد للأعضاء كان 84 ، يوم 05-02-2019 الساعة 02:29 صباحاً

( 1 عضو 8 زائر )

جميع الأوقات بتوقيت جرينتش +3 ساعات. الوقت الآن هو 06:51 صباحاً الأحد 26 مايو 2019.
Powered by Dimofinf CMS v5.0.0
Copyright© Dimensions Of Information.

جميع الحقوق محفوظه لموقع مختص كوم